Түмэн Хишигтэн
Сүүлийн 2 сар гаруйн хугацаанд телевизээр сумогийн их аварга асан №1 сумоч Дагвадорж,олимп дэлхийн медальт жиндээ дэлхийн №1т зиндаалагддаг Цагаанбаатар,жүжигчин Мэндбаяр болон бусад жүжигчдийн эртний Монгол хувцас хэрэглэл бүхий өнгө сайтай реклам гарах болсон билээ.Үзэгчдын дунд энэ аягүй бол архины реклам,эсвэл тамхи,буудалын реклам гэж бодох хүн олон байсан.Харин энэхүү рекламны учир 2 долоо хоногын өмнө ил боллоо.
"Женко түр Бюро" компанийн санаачилсан "Түмэн Хишигтэн" хэмээх нэгэн том төсөл ажээ.Энэхүү төсөл нь :
13р зууны үеийн Монгол их гүрний ноёрхож байсан үеийн тухай,түүх соёл дурсгал болон аялал жуулчлалын асар их ач холбогдолтой төсөл ажээ. "Түмэн Хишигтэн" гэдэг нь Их Монгол гүрний үед Чингис Хааны байнгын хамгаалалтны цэргүүд буюу одоогоор хэлвэл Элитийн баталон,тусгай салаа гэж нэрлэж болох 10,000 морьт цэргүүдийн хөшөө байгууламж хийх аж.Хэдэн жилийн өмнө нээлтээ хийж Дэлхийн хүмүүн болох их хаан Эзэн Чингисийнхээ Морьт хөшөөг байгуулсан "Цонжин Болдог" -т энэхүү байгууламжаа барих юм.
Монголын ард түмний үүх түүх, дархан эрх, газар шорооны төлөө амь насаа зольж явсан бидний өвөг дээдэс ийнхүү төрөлх эх нутагтаа мөнхрөх нь. Өв соёл үүх түүхээсээ бага багаар алдах болсон бидний хувьд энэ нь нүдээ олсон алхам гэж бодож байна.Энэхүү хөшөө цогцолбор нь Дэлхийд байхгүй тэргүүлэх хөшөө дурсгал болох юм байна.Тоо ширхэгээрээ ч тэр хамрах газрынхаа хэмжээгээр ч тэр.Энэ хөшөө нь 400 га талбай эзлэх аж.Байгууламжийн онцлог нь хөшөөнд дүрээ мөнхлөхийг хүссэн,хөрөнгө оруулсан хүмүүсийн нүүрний төрх нь цэргүүдийн нүүрний хийц болох аж.
Төслийн санхүүгийн хувьд хөрөнгө оруулалт буюу эзэмших эрх олголт маягаар бүрдэх аж.Мэдээж үндсэн хөрөнгө Жэнко түр Бюрогийх юм.Хамрагдах хүрээний хувьд дэлхийн хэмжээний гэж хэлж болох юм байна.Өөрөөр хэлбэл энэхүү хөшөөг эзэмших сонрхолтой,Монгол гүрний түүх соёлыг хүндлэн биширдэг хүмүүс хөрөнгө оруулалтаа хийж хүсэлтээ гаргаснаар дүрээ үлдээх юм байна.
Байгууламжийн ерөнхий зохион байгуулалтын хувьд Чингис хааны 9 өрлөгөөр удирдуулсан 1,000 мянган цэргүүд өөрсдийн үүргээрээ хуваарилагдан хайрцаглан зогссон байдлаар хийгдэх юм байна.
Нэг хөшөөний өндөр бол 3 метр.
Байгууламжийн ерөнхий дизайнераар СГЗ: Эрдэмбилэг ажиллаж байгаа юм байна.
Хөшөөний захиалгууд эхэлсэн ба Эхний баатруудын лүр нь Дагвадор,Цагаанбаатар зэрэг хүмүүс болон УИХ-ын зарим гишүүдийн дүр гарах болжээ.Мөн Жүжигчин Жэки Чан дүрээ гаргахыг хүсэн өргөдлөө гаргасан байна.Тодорхой бус мэдээгээр тэрээр өөрийнхөө угшилыг Монгол улсын хэсэг байхыг үгүйсгэдэггүй гэж ээ.
Харин төслийн удирдагч Д.Гэрэлт-Од хэлэхдээ. Түмэн хишигтэнгүүд бол Зөвхөн Монгол цэргүүд биш эзэлсэн улс үндэстнүүдээс элсүүлсэн шилдэг цэргүүд байсан учраас гадаад хүн байж болно.Гэхдээ Монгол хүмүүс маш олноороо энэхүү дурсгалд дүрээ үлдээгээсэй гэж маш их хүсэж байна. гэжээ.
Боломж байгаа дээр Монголчууд маань эртхэн захиалгаа өгөөд дүрээ мөнхөлчвөл сайхан байна даа.Үнэ ханшийн хувьд надад тодорхой мэдээлэл байхгүй байна.Хэхэ боломж олдвол энд дүрээ үлдээнэ ээ
Эцэст нь хэлэхэд Монгол улс Мандан бадраг
Видео Реклам
